පාසල් නිවාඩුව ගැන වැඩිදුර තොරතුරු.
කොරෝනා අවදානම සැලකිල්ලට ගනිමින් හෙට සිට අප්‍රේල් මස 20 වනදා දක්වා සියලු පාසල් වසා දැමීමට රජය තීරණය කළා. ඒ අනුව පළමුවන වාර විභාගය ද නොපැවෙත්වනු ඇති. ඇතිවී තිබෙන තත්ත්වය පිලිබඳ අවධානය යොමු කරමින් පෞද්ගලික පන්ති සහ සහ පෞද්ගලික පාසල් සදහා ද නිවාඩු ලබාදීම සුදුසු බව ද අධ්‍යාපන ඇමතිවරයා යෝජනා කළා. කොරෝනා ආසාදිතයෙකු ලෙස හඳුනාගෙන ඇති පුද්ගලයාගේ පුතණුවන් අධ්‍යාපනය ලබන කොළඹ ආනන්ද විද්‍යාලයේ අද අවම සිසුන් පිරිසක් වාර්තා වී තිබුණා. කොරෝනා සම්බන්ධයෙන් ඇතිව තිබෙන භීතිය හමුවේ සිසුන් පාසල් වෙත යොමු කිරීම දෙමාපියන්ට ද ගැටළුවක් වී තිබෙනවා. මේ සම්බන්ධයෙන් ද අවධානය යොමු කරමින් පාසල් තාවකාලිකව වසා දැමීමට තීරණය කළ බවයි අධ්‍යාපන අමාත්‍ය ඩලස් අලහප්පෙරුම මහතා හදිසි මාධ්‍ය හමුවක කැඳවමින් සඳහන් කළේ. මේ අතර පාසල් අධ්‍යාපන චාරිකා ඇතුළු සියලු බාහිර ක්‍රියාකාරකම් වහාම ක්‍රියාත්මක වන පරිදි නතර කිරීමට ද අධ්‍යාපන අමාත්‍යංශය තීරණය කර තිබෙනවා. දැනට කොරෝනා අසාදිතයෙකු ලෙස හඳුනාගෙන ඇති පුද්ගලයා දිවයිනේ ප්‍රදේශ කහිපයක සංචාරය කර තිබීම , ඔහුගෙන් වෛරසය අසාදනය වූවන් සිටිය හැකි වීම සහ ඒ ඔස්සේ පාසල් දරුවන්ට යම් අවදානමක් මතුවීමට ඉඩ තිබීම යන කාරණා සැලකිල්ලට ගනිමින් මෙම තීරණයට එළඹී බවයි අධ්‍යාපන අමාත්‍යංශය සඳහන් කළේ. දහම් පාසල් සදහා ද දින නියමයක් නොමැතිව නිවාඩු ලබාදුන් බව බෞද්ධ කටයුතු කොමසාරිස් සුනන්ද කාරියප්පෙරුම මහතා නිවේදනය කළා.   |
Thursday, 12 March 2020
Subscribe to:
Post Comments (Atom)
No comments:
Post a Comment