හිටපු කොටි සාමාජිකයින්ගෙන් දේශපාලන පක්‍ෂයක්

හිටපු කොටි සාමාජිකයින්ගෙන් දේශපාලන පක්‍ෂයක්.

පුනරුත්තාපනය ලැබු හිටපු එල්.ටි.ටි.ඊ සංවිධානයේ සාමාජිකයින්ගේ නායකත්වයෙන් යුතුව නව දේශපාලන ව්‍යාපාරයක් ආරම්භ කිරීමට නියමිතයි. එම ලියාපදිංචි දේශපාලන පක්ෂ හා සංවිධාන සියල්ල එක්ව තනි සන්ධානයක් පිහිටුවීමේ වැඩපිළීවෙලක් අද වව්නියාවේදී ප‍්‍රකාශයට පත්කළා. ප‍්‍රජාතන්ත‍්‍රවාදි විමුක්තිකාමි සටන්කාමි පක්ෂයේ නායක ගනේෂලිංගම් චන්ද‍්‍රලිංගම් නොහොත් තුලසි පෙන්වා දෙන්නේ හිටපු එල්.ටි.ටි.ඊ සාමාජිකයින්ගේ හා දෙමළ ජනතාවගේ ගැටළු විසදීම වෙනුවෙන් මෙම කි‍්‍රයාමාර්ගය වෙත අවතීර්ණ වූ බවයි. හිටපු එල්.ටි.ටි.ඊ සංවිධාන සාමාජිකයින්ගෙන් සැදුම්ලත් දේශපාලන පක්ෂ හතරක් හා සිවිල් සංවිධාන තුනක් එක්ව නව සංවිධානය බිහිකළ බවද ගනේෂලිංගම් චන්ද‍්‍රලිංගම් මහතා ප‍්‍රකාශ කළා.