රත්තරන් තොගයක් කටුනායක දී අත් අඩංගුවට .

රත්තරන් තොගයක් කටුනායක දී අත් අඩංගුවට .

              රුපියල් කෝටි පහක් පමණ වටිනා රන් බිස්කට් සහ ස්වර්ණාභරණ තොගයක් නීතිවිරෝධී ලෙස කටුනායක ගුවන් තොටුපළෙන් පිට කිරීම සදහා රැගෙන යමින් සිටි තරුණයන් දෙදෙනෙකු සහ කුඩා දරුවෙකු , ගුවන් තොටුපළ ලොබි ශාලාවේ ආවේක්ෂණ රාජකාරී වල නියැලී සිටි ගුවන් තොටුපළ පොලිස් මත්ද්‍රව්‍ය නාශක කාර්යාංශයේ නිලධාරීන් පිරිසක් විසින් 1/23 දින අලුයම අත් අඩංගුවට ගෙන තිබේ .

             මෙම ජාවාරම්කරුවන් පිරිස අතරින් දෙදෙනකු කොළඹ දෙමටගොඩ සහ ග්‍රෑන්ඩ්පාස් ප්‍රදේශයේ යන ප්‍රදේශවල පදිංචි 28 හැවිරිදි වියේ පසුවන මුස්ලිම් ජාතික තරුණයන් දෙදෙනෙකි . ඔවුන් සමග සිටි දරුවා කෑගල්ල ප්‍රදේශයේ පදිංචි 13 හැවිරිදි සිංහල ජාතික පිරිමි දරුවෙකි .

              ඔවුන් ගුවන් තොටුපළ පැමිණීමේ පර්යන්තයේ ලොබි ශාලාව වෙත පිවිසීම සදහා ගුවන් තොටුපළ ප්‍රවේශ පත්‍ර තුනක් ලබා ගෙන , ගුවන් තොටුපළ තුළට පැමිණ ,  විදේශයකින් පැමිණි කිසිවෙකුගෙන් මෙම රත්තරන් තොගය ලබා ගෙන , 1/23 දින අලුයම 3.30 ට පමණ ගුවන් තොටුපළෙන් පිටතට යෑමට සූදානම් වෙමින් සිටියදී මෙම අත් අඩංගුවට ගැනීම සිදු කර තිබුණි .

                එහිදී මෙම 13 හැවිරිදි කුඩා දරුවා අත වූ ගමන් මල්ලක කිලෝ ග්රැම් 05 යි ග්රැම් 500 ක් පමණ බර වූ මෙම රත්තරන් බිස්කට් සහ ස්වර්ණාභරණ තොගය සගවා ගෙන තිබුණි .

                 ගුවන් තොටුපළ පොලිස් මත්ද්‍රව්‍ය නාශක කාර්යාංශයේ නිලධාරීන් පිරිසක් මේ පිළිබඳව වැඩිදුර විමර්ශන කටයුතු සිදු කරමින් සිටිති .