03 දාට පෙර මැතිසභය විසුරුවන ලකුණු
එළඹෙන මාර්තු මස 3 වැනිදාට ප්‍රථම පාර්ලිමේන්තුව විසුරුවා හැරෙනු ඇති බවට මේ වනවිට තොරතුරු වාර්තා වනවා. ඊයේ දිනයේදීද පාර්ලිමේන්තුව රැස්වූ අතර, එහිදී සභා නායක දිනේෂ් ගුණවර්ධන මහතා ලබන මස 3 වැනිදා දක්වා පාර්ලිමේන්තුව කල් තැබීමට තීරණය කළා.
ඊයේ පාර්ලිමේන්තු සභා වාරයෙන් අනතුරුව පක්ෂ විපක්ෂ මැති ඇමතිවරුන් කතාබහ කරමින් සතුටු සාමිචියේ යෙදුණු බවයි අප පාර්ලිමේන්තු වාර්තාකරු කියා සිටියේ. යම් හෙයකින් ව්‍යවස්ථානුකූලව ජනාධිපතිවරයාට ලැබෙන බලතල අනුව ලබන මාර්තු මස 3 වැනිදාට ප්‍රථම පාර්ලිමේන්තුව විසුරුවා හැරියහොත් ඔවුන් එකිනෙකා මුණගැසුණු අවසන් අවස්ථාව එය වනවා.
ඒ අනුව ඉදිරි මහ මැතිවරණයේදී ජනතාවගේ මනාපය මත දැනට පාර්ලිමේන්තුව නියෝජනය කරන ඇතැම් පිරිස් හට ඉන් ඉවත් වීමට සිදුවන අතර, තවත් නවකයන් පිරිසක් පාර්ලිමේන්තුවට තේරීපත්වනු ඇති.
No comments:
Post a Comment