රෝහණ බැද්දගේට තානාපතිකමක්.
ගෞරවනීය කලාකරුවෙකු වන රෝහණ බැද්දගේ මහතා මාලදිවයිනේ නව ශ්‍රී ලංකා තානාපතිවරයා ලෙස පත්කර තිබෙනවා. රජය විසින් ඉදිරිපත් කළ යෝජනාව පාර්ලිමේන්තුවේ උසස් නිලතල පිළිබඳ කාරක සභාව විසින් අනුමත කළා. කථානායක කරු ජයසූරිය මහතාගේ ප්‍රධානත්වයෙන් පාර්ලිමේන්තුවේදී අද පැවති උසස් නිලතල පිළිබඳ කාරක සභාව හමුවට රෝහණ බැද්දගේ මහතාද කැඳවා තිබුණා.
එම රැස්වීමට හිටපු අමාත්‍යවරුන් වන රාවුෆ් හකීම් සහ ජෝන් අමරතුංග පාර්ලිමේන්තු මන්ත්‍රිවරුන් වන ඩී. සිද්ධාර්ථන්, එරාන් වික්‍රමරත්න හා එම්.ඒ.සුමන්තිරන් යන නියෝජිතයින් එක්ව සිටියා. එහිදී බැද්දගේ මහතා මාලදිවයින් ශ්‍රී ලංකා තානාපතිවරයා ලෙස පත් කිරීමට අනුමැතිය හිමිවූ බවයි පාර්ලිමේන්තු වාර්තා පැවැසුවේ.
No comments:
Post a Comment