දකුණු අධීවේගේ අලුත් ගාස්තු දැන ගන්න.

දකුණු අධීවේගේ අලුත් ගාස්තු දැන ගන්න.

මාතර සිට මත්තල දක්වා අළුතින් ඉදිකළ දක්ෂිණ අධිවේගී මාර්ග කොටස භාවිතා කරන වාහන සඳහා අයකෙරෙන ගාස්තු ගැසට් නිවේදනයක් මඟින් ප්‍රකාශයට පත් කර ඇත.

මාර්ග සහ මහා මාර්ග අමාත්‍යවරයා ලෙස ජොන්ස්ටන් ප්‍රනාන්දු මහතා විසින් අදාළ ගැසට් නිවේදනය ප්‍රකාශයට පත් කර ඇති බව සඳහන්. 

ඒ අනුව ඇක්සල 02ක් හෝ රෝද 04ක් සහිත වාහන සඳහා කොට්ටාව සහ කඩවත සිට හම්බන්තොට දක්වා රුපියල් 800ක් ද, කටුනායක සිට හම්බන්තොට දක්වා රුපියල් 1,000ක් ද මාතර ගොඩගම පිවිසුමේ සිට හම්බන්තොට දක්වා රුපියල් 400ක් ද අය කෙරෙනු ඇති. 

ඇක්සල 02ක් හෝ රෝද 06ක් ඇති වාහන සඳහා කොට්ටාව සහ කඩවත සිට හම්බන්තොට පිවිසුම දක්වා රුපියල් 1,450ක් ද, කටුනායක සිට හම්බන්තොට දක්වා රුපියල් 1,900ක් ද, මාතර ගොඩගම පිවිසුමේ සිට හම්බන්තොට දක්වා රුපියල් 650ක් ද බවයි අදාල ගැසට් නිවේදනය මඟින් ප්‍රකාශයට පත් කර ඇත්තේ. 

ඇක්සල 02ට වැඩි වාහන සඳහා කොට්ටාව සිට හම්බන්තොට දක්වා රුපියල් 2,550ක් ද, කටුනායක සිට හම්බන්තොට දක්වා රුපියල් 3,150ක් ද, මාතර ගොඩගම පිවිසුමේ සිට හම්බන්තොට දක්වා රුපියල් 1,100ක් ලෙස ගාස්තු අයකෙරෙන බවයි මාර්ග සහ මහාමාර්ග අමාත්‍යාංශය සඳහන් කළේ.